Axúdanos a coñecer o océano do futuro!

A Facultade de Ciencias do Mar oferta diversos proxectos de investigación en colaboración con centros de educación secundaria da comunidade autónoma de Galicia, no marco do programa STEMbach.

Os proxectos ofertados pola Facultade de Ciencias do Mar están centrados na xeración de coñecemento no medio mariño dentro dunha das seguintes liñas de investigación:

• Oceanografía física do océano
• Química mariña
• Xeoloxía mariña
• Oceanografía biolóxica
• Recursos mariños
• Avaliación de impactos ambientais no medio mariño

Para ampliar a información sobre a tipoloxía de proxectos que se poden desenvolver en cada liña, cómpre contactar co coordinador STEMbach do centro.

Coordinador STEMbach da Facultade de Ciencias do Mar:

• Emilio Fernández Suárez
  +34 986 812 591
  esuarez@uvigo.gal

Proxectos 

Velaquí os proxectos propostos pola facultade de Ciencias do Mar organizados por bienio. En cada unha das táboas atoparás o título de cada proxecto coa súa ficha descritiva e, de ser o caso, o centro asignado e a data da súa defensa.