International Relations Commission

A Comisión de Relacións Internacionais é un órgano colexiado de tipo consultivo cuxa tarefa fundamental é velar polo desenvolvemento do Regulamento de mobilidade internacional da Universidade de Vigo.

Esta comisión está integrada por: 

• O vicerreitor ou vicerreitora con competencias en internacionalización, quen actuará como presidente ou presidenta da comisión.
• O director ou directora de área de internacionalización ou a figura equivalente, quen actuará como secretario ou secretaria da comisión.
• A persoa responsable da Oficina de Relacións Internacionais.
• Cinco persoas responsables das relacións internacionais dos centros da Universidade de Vigo, que representen na medida do posible todos os ámbitos e campus.
• A persoa responsable do servizo competente en xestión do estudantado de grao.
• A persoa responsable do servizo competente en xestión do estudantado de posgrao.
• A persoa responsable do servizo competente en xestión de bolsas.
• A persoa responsable da Xerencia.
• Dous/dúas estudantes.

Os membros da Comisión de Relacións Internacionais serán nomeados polo reitor ou reitora por proposta do Consello de Goberno

Funcións

• Participar na definición da política de mobilidade internacional da Universidade de Vigo, establecendo formulacións xerais, o seu alcance, os obxectivos e os mecanismos para poñela en práctica. 
• Estudar de xeito permanente as necesidades e as carencias en materia de mobilidade internacional dos diversos colectivos que conforman a comunidade universitaria. 
• Analizar as propostas, as observacións ou as inquedanzas que en materia de mobilidade internacional poida expor calquera membro da comunidade universitaria. 
• Propor as medidas máis adecuadas a cada situación e a cada colectivo para incrementar as cifras e, sobre todo, a calidade da mobilidade internacional. 
• Impulsar a adopción de medidas ou a creación e a consolidación de estruturas de apoio, que soporten a implantación e o reforzo, de ser o caso, dos programas e doutras actuacións que se leven a termo en materia de mobilidade internacional. 
• Elaborar e elevarlles os informes aos órganos de goberno que así o requiran sobre asuntos da súa competencia. 
• Desenvolver e velar polo cumprimento do presente regulamento. 

Membros