Novas do DUVI

Nova derrota do Campus Universitario

Unha vez máis o Campus Universitario non foi quen de acadar a victoria no encontro da fin de semana . Como xa prognosticaba o adestrador o encontro foi difícil e caeron 74-61 ante o Básquet Coruña fóra da casa.
Os de Xulio González e pese ás baixas comezaron ben o partido xogando ao contraataque e conseguindo chegar ao descanso cunha vantaxe de 4 puntos que non souberon manter na segunda metade.

O Universidade de Rugby enfróntase ao Gernika coa baixa de Boulin

O Gernika R.T, será o rival do Universidade de Vigo na quinta xornada de Liga que se disputará no campo de Lagoas Marcosende este domingo ás 12.00 horas.
Despois de lograr a pasada fin de semana a súa primeira vitoria da tempada, o equipo vigués intentará manter a boa racha, aínda que para elo terán que facer fronte a baixa de Santiago Boulin.

O Campus Universitario mídese ao Básquet Coruña nun encontro complicado

Tralos últimos malos resultados, o Campus de Ourense masculino necesita unha victoria para saír da parte baixa da clasificación. Na novena xornada descenderon ata o décimo terceiro posto da táboa ao caer contra o La Salle por 63-74, na que foi a sétima derrota da tempada.
Este domingo enfróntanse ao Básquet Coruña ás 18.30 fóra da casa no que se presenta un encontro difícil debido ás baixas e á complicación do rival.

A Universidade de Vigo aposta pola modalidade deportiva de orientación

Os vindeiros 21 e 22 de novembro, e coincidindo coa celebración dos Xogos Galaico- Durienses, terá lugar no lago de Castiñeiras (Marín- Vilaboa) unha proba de iniciación ás carreiras de orientación organizada pola Universidade de Vigo. O seu obxectivo é “dar a coñecer o deporte de orientación dentro da comunidade universitaria”, segundo comentou Alexandre Sanjorge do Servizo de Deportes da Universidade, na presentación desta actividade no Museo Torres de Marín.

O equipo feminino de tenis clasifícase para as semifinais dos Campionatos de España por equipos categoría C

O equipo feminino de tenis da Universidade, actual subcampeón galego absoluto, clasificouse esta fin de semana para as semifinais do Campionato de España feminino por equipos categoría C, despois de dúas vitorias consecutivas contra os seus rivais na primeira fase do campionato. Mentras, en Coirós (Betanzos), tivo lugar a a penúltima proba da Liga Galega de Carreiras de Orientación.

O Universidade de Rugby consegue o primeiro triunfo da tempada

O Universidade de Vigo de Rugby logrou esta fin de semana a primeira vitoria da tempada ante o Cornellá cun contundente 10-25 nun partido no que, pese ao mal xogo, o equipo vigués soubo ser práctico e conter perfectamente o xogo dos locais, aproveitando ademais as xogadas de ataque.
Os puntos de Vigo foron grazas a ensaios de Xico, Arri e Agustín, dúas transformacións de Santi Boulín e dous golpes de castigo conseguidos tamén por este xogador.

Intensa actividade deportiva para a fin de semana con rugby e Roteiros Culturais

O equipo feminino de tenis xoga en Pamplona o Campionato de España de equipos

O equipo feminino de tenis da Universidade desprázase esta fin de semana a Pamplona para estrarse no Campionato de España por equipos categoría C. As rapazas afrontan o dobre enfrontamento desta primeira fase con positivismo, aínda que non faltan os nervios. Segundo o adestrador do equipo, Joaquín Comesaña, “estamos ilusionados porque cremos que temos posibilidades de poder ascender á categoría B”.

Convocadas 13 bolsas de árbitros e unha de colaborador en roteiros culturais

Este venres remata o prazo de presentación de solicitudes para a nova convocatoria de bolsas deportivas no campus de Ourense. En total son 13 bolsas de árbitros para as modalidades de fútbol 7, fútbol sala e baloncesto, e unha bolsa de colaborador de roteiros culturais.

O lago de Castiñeiras será o escenario da proba de iniciación ás carreiras de orientación

Vestir roupa e calzado cómodo son os únicos requisitos para as carreiras de orientación, unha modalidade deportiva que o servizo de deportes continúa propondo ós membros da comunidade universitaria. Quenes se acheguen a participar nas probas de iniciación a esta actividade, que terán lugar o vindeiro 21 de novembro ás 11:30 horas no lago de Castiñeiras, recibirán como obsequio da organización un compás, xa que o obxectivo do xogo é realizar no menor tempo posible un percorrido marcado no plano e sobre o terreo, por puntos de control.

O Campus gañou e dominou ao Foz

O Campus de Ourense masculino venceu ao Foz na pasada xornada por 84 a 69. Os de Xulio González xogaban na casa e tras superar un primeiro cuarto bastante igualado foron facéndose co encontro. Pese á baixa por motivos persoais de David Conde, a superioridade foi bastante evidente cunha vantaxe continua a partir do segundo cuarto de entre 10 e 20 puntos.

O Universidade de Rugby perde ante o líder pero despregando un xogo de alto nivel

Na casa pero ante o líder da División de Honra B, o Universidade de Vigo de Rugby acadou esta fin de semana a súa terceira derrota. A experiencia e o saber estar dos madrileños do Liceo Francés foron determinantes para acabar o encontro cun contundente 19-30. O equipo vigués despregou un xogo de alto nivel ao longo da primeira parte, chegando ao descanso cun 9-7. Xunto co xogo de pé de Santiago Boulin, tamén destacou a actuación dos veteranos Xosé no medio melé e Diego no terceira centro.
A vindeira fin de semana, por compromisos da selección española, non haberá competición ligueira.

O Universidade de Vigo de Rugby busca a primeira vitoria da tempada

Tralas derrotas en Durango e ante o Hernani, o Universidade de Vigo, militante da División de Honra B, recibe o sábado ás catro da tarde ao Liceo Francés de Madrid. O equipo da capital, aínda invito, está considerado como un histórico do rugby nacional e o ano pasado militou na División de Honra, polo que sae como favorito. O colexiado pucelano Villegas será o encargado de arbitrar este partido da terceira xornada.

Máis de 300 deportistas daranse cita na ciadade durante os Xogos Galaico-Durienses

O campus de Pontevedra acollerá o vindeiro mes de novembro a celebración da décimo segunda edición dos Xogos Galaico-Durienses. Arredor de 330 estudantes das universidades de Vigo, A Coruña, Santiago de Compostela, Minho, Porto e Tras os Montes e Alto Douro daranse cita entre os días 20 e 22 de novembro nas instalacións deportivas do campus.

O Campus de Ourense perde, na cuarta xornada, ante o Cambados

O Campus de Ourense masculino caeu esta fin de semana ante o Cambados por 86 a 70. O equipo de primeira nacional conta xa con catro derrotas fronte a unha vitoria. Os de Xulio González, realizaron un bo papel durante a primeira parto do encontro, pero a vantaxe acadada polos Cambados no terceiro cuarto foi imposible de remontar.