Diario da Universidade de Vigo
As tres deportistas da delegación obtiveron cadanseu metal, un ouro e dous bronces
A UVigo consegue tres medallas no CEU de Judo e acada o 4º posto na clasificación xeral
As tres representantes da delegación viguesa co seu adestrador
June Moreno obtivo a medalla de ouro
Andrea Ínsua, co seu bronce
Daniela Agudo, á dereita co seu bronce
As medallas obtidas por June Moreno, Andrea Ínsua e Daniela Agudo no Campionato de España Universitario celebrado esta fin de semana en Jaca valéronlle á Universidade de Vigo un cuarto posto na clasificación xeral.
A cita, organizada pola Universidade de Zaragoza, arrancou o pasado venres e a Universidade de Vigo acudía a ela cunha representación composta por tres deportistas, polo que o equipo obtido un pleno total de metais.
June Moreno, estudante da Escola Universitaria de Enfermaría de Pontevedra, logrou o ouro na categoría de menos de 78Kg, no que foi o seu primeiro campionato universitario. Andrea Ínsua, alumna do Máster Universitario en Exercicio Terapéutico en Fisioterapia, acadou o bronce na categoría -57kg, despois de dous anos de participar tras estar un ano en Francia cun Erasmus e outro co último curso dos seus estudos de Fisioterapia. Por último Daniela Agudo, estudante de Fisioterapia tamén obtido a medalla de bronce na categoría -70Kg, repetindo así o resultado obtido no CEU do ano pasado.
A delegación viguesa completábaa o adestrador, Miguel Romero, un vello coñecido da Universidade de Vigo, da que foi o seu deportista máis laureado na traxectoria da institución nos Campionatos de España Universitarios.