Aberto o prazo para inscribirse no Torneo Intercampus 2008

Baloncesto, balonmán, fútbol sala, fútbol 7 e voleibol son as modalidades deportivas presentes no Torneo Intercampus 2008, que enfrontará aos primeiros clasificados das respectivas ligas universitarias dos tres campus.
O vindeiro 28 de marzo é a data que o Servizo de Deportes establece como tope para presentar as solicitudes de participación, de modo que a comezos de abril xa estarán elaboradas as listas provisionais e o calendario da competición. A inscrición é gratuíta e os interesados só teñen que mandar un correo electrónico á dirección deportes@uvigo.es indicando o nome do equipo e os datos do delegado.
No tocante á competición, a primeira fase celebrarase en cada un dos campus entre os días 7 de abril e 16 de maio e dela saíran os equipos que pasarán á final, prevista para o 22 de maio nas instalacións deportivas do campus de Pontevedra.

As seguintes competicións

Os vencedores de cada modalidade representarán á Universidade de Vigo nos Campionatos Galegos de Deportes Colectivos, onde se enfrontarán aos equipos procedentes de Santiago e A Coruña. Dos resultados destas xornadas sairán os xogadores que tomarán parte nas fases interzonais e, posteriormente, nos Campionatos de España.

Máis información: http://deportes.uvigo.es/novedades_ficha.asp?id=962