Novas do DUVI

A EE Forestal, única representante española nun debate internacional sobre o futuro destas ensinanzas

• Estudantes
• Medios
• PAS
• PDI

Representantes de 15 universidades de diferentes países europeos participan nestes días en Polonia na conferencia Universities within the forests, un evento promovido pola Poznan University of Life Sciences para debater sobre o futuro dos estudos superiores no eido forestal, no que a Universidade de Vigo é a única representante española.

26/09/2019

A Universidade busca potenciar con sete cursos as ‘e-destrezas’ do campus

• Estudantes
• Medios
• PAS
• PDI

Facilitar o desenvolvemento e a mellora das competencias dixitais da comunidade universitaria é o obxectivo central do programa formativo gratuíto e-destrezas, impulsado pola Vicerreitoría de Captación de Alumnado, Estudantes e Extensión Universitaria xunto co Consello Social da Universidade de Vigo.

 

 

24/09/2019

Os martes de outubro son para falar de novas perspectivas en literatura infantil e xuvenil

• Estudantes
• Medios
• PAS
• PDI

Por quinto ano consecutivo este outono volve á programación de actividades do campus de Ourense o Ciclo de Literatura Infantil e Xuvenil. Cada martes do mes de outubro un escritor ou escritora ou un ilustrador achegarase á Facultade de Ciencias da Educación para compartir co público presente a súa obra e a súa visión da creación para os máis novos e novas. Nesta ocasión, as e os convidados serán María Solar, Fran Alonso, Ánxela Gracián, Jacobo Fernández e Jorge Campos.

23/09/2019

Unhas xornadas afondarán na “lacra” da explotación sexual

• Estudantes
• Medios
• PAS
• PDI

O día 23 de setembro é o Día Internacional contra a Explotación Sexual e Tráfico de Mulleres. Aproveitando esta conmemoración, a Unidade de Igualdade da Universidade de Vigo e o Concello de Ourense organizan unhas xornadas que o día 23 e 24 de setembro abordarán no campus de Ourense a realidade desta “lacra”. A programación, ampliada, repetirase tamén o día 24 no campus de Vigo.

20/09/2019

Profesorado de CC da Educación e do Deporte fórmase na creación de ‘pílulas’ audiovisuais

• Entidades Colaboradoras
• Estudantes
• Medios
• PAS

Un proxecto de innovación educativa da Facultade de Ciencias da Educación e do Deporte leva a dez investigadores e investigadoras do  centro a iniciarse no manexo daqueles recursos que lles permitirán elaborar unha serie de “pílulas educativas” audiovisuais que sirvan á vez como recurso docente nas aulas e como material divulgativo. 

17/09/2019

Unhas xornadas afondarán no potencial da biomasa para o desenvolvemento sostible

• Estudantes
• Medios
• PAS
• PDI

“Abordar o aproveitamento sostible dos recursos e en particular da biomasa vexetal de carácter residual e infrautilizada para a obtención de produtos de alto valor con aplicación nos sectores químico, enerxético, cosmético, alimentario ou farmacéutico”. Con este obxectivo preséntase a Xornada Biomasa e Desenvolvemento Sostible.

16/09/2019

Unha ollada académica ás problemáticas dos partidos políticos

• Estudantes
• Medios
• PAS
• PDI

O Observatorio de Estudos sobre Corrupción Pública, con sede na Facultade de Dereito do campus de Ourense e dirixido polo profesor Roberto Bustillo, organizou este xoves xunto á Fundación Cum Laude unha conferencia e mesa redonda arredor dos partidos políticos no Centro Cultural Marcos Valcárcel.

13/09/2019

Comunicación empresarial e sistemas de información xeográfica para despedir o verán

• Estudantes
• Medios
• PAS
• PDI

O arranque do curso académico 2019/2020 viuse complementado no campus polo desenvolvemento de dous dos cursos de Extensión Universitaria impulsados pola Vicerreitoría para este verán e que nestas primeiras semanas de setembro reuniron na Escola de Enxeñaría Forestal e na Facultade de Ciencias Sociais e da Comunicación máis de 50 alumnos e alumnas.

13/09/2019

Unha reflexión sobre o “acontecemento escénico” para arrincar o curso

• Estudantes
• Medios
• PAS
• PDI

Unha reflexión sobre a relación entre performance e teatro que tiña como punto de partida unha representación de Ana María estuve pensando a pesar mío, da dramaturga arxentina Soledad González, e que tivo como protagonistas á investigadora e directora teatral Cecilia Perea e as actrices e performers María Roja e Inés Díaz. Deste xeito arrincou o curso académico o alumnado da materia Proxectos de arte de acción, do grao en Belas Artes

12/09/2019

O Centro de Linguas estrea o curso coa semipresencialidade en varios cursos como principal novidade

• Estudantes
• Medios
• PAS
• PDI

O novo ano académico arrinca para o Centro de Linguas da Universidade de Vigo con varias novidades na súa oferta de cursos de idiomas. En total, no primeiro cuadrimestre ofrécese formación en sete idiomas e nos seus diferentes niveis.

11/09/2019

Seis obradoiros amplían a oferta formativa do campus este outono

• Estudantes
• Medios
• PAS
• PDI

Pensados tanto para ampliar a formación do alumnado do campus en diferentes ámbitos como para espertar o interese do conxunto da cidadanía, co inicio do curso chega tamén a oportunidade de adquirir novos coñecementos nos obradoiros de Extensión Universitaria impulsados pola Vicerreitoría do campus para este outono.

10/09/2019

Estou formará a directoras e directores de tempo libre

• Estudantes
• Medios
• PAS
• PDI

Cada curso académico, a Escola de Tempo Libre Universitaria do Campus de Ourense (Estou), coa colaboración da Asociación Universitaria de Ciencias da Educación AUCE, organiza diferentes cursos acreditados pola Xunta de Galicia para ser monitoras e monitores de tempo libre. Dando un paso máis nesta oferta, este curso académico a escola ofrece tamén a posibilidade de formarse para ser directoras e directores de actividades de tempo libre.

10/09/2019

A presenza dunha delegación colombiana internacionaliza o curso de verán sobre termalismo

• Estudantes
• PAS
• PDI
• Público externo

Termalismo: Espazos termais, o máis veterano dos cursos de Extensión Universitaria, internacionalízase este verán. Esta actividade, levarase a cabo entre o 22 e o 26 de xullo en preto dunha ducia de balnearios de toda Galicia.

16/07/2019

Un simposio internacional analizará o presente e futuro das prácticas académicas

• Estudantes
• Medios
• PAS
• PDI

Presente e retos de futuro é o título da XV edición do Symposium Internacional sobre o Prácticum e as Prácticas Externas, que, entre o 10 e o 12 e xullo, reunirá máis de 200 docentes e investigadores no Mosteiro de Poio para debater sobre este complemento formativo das titulacións universitarias.

04/07/2019

Tres días para falar de saúde desde unha perspectiva de xénero

• Estudantes
• Medios
• PAS
• PDI

Falar de saúde e facelo desde unha perspectiva de xénero, formando e informando aos e ás asistentes sobre cuestións como o ciclo menstrual, a saúde mental perinatal ou a menopausa. Ese é o obxectivo do curso de verán, promovido pola Vicerreitoría do campus, Vida saudable da muller ao longo do seu ciclo vital, que desde este mércores se desenvolve en Catoira.

03/07/2019