Novas do DUVI

Comeza o ciclo de conferencias "GALPon 2007 na UVigo"

• Vigo
• Cultura

Ao longo dos meses de outubro e novembro o campus vigués acollerá un programa de relatorios organizado polo Grupo de Amigos de Linux de Pontevedra. O ciclo de conferencias e obradoiros “GALPon 2007 na UVigo” comprenderá máis de 30 horas repartidas dende este xoves 18 de outubro e ata o vindeiro 6 de novembro. Entre os contidos afondarase en temas como a sinatura dixital, o Media Center feito con GNU/Linux, os escritorios lixeiros para recuperar computadoras obsoletas, Home Station para ter na casa, seguridade en redes WiFi ou mesmo o desenvolvemento en PHP con patTemplate.

17/10/2007

A creación dunha identidade baseada na paisaxe construída

• Vigo
• Cultura

A Casa das Artes acolle ata o vindeiro 4 de novembro unha exposición sobre a arquitectura do campus de Vigo. Baixo o título "A construción dunha identidade" a mostra recolle maquetas e exposicións que reflicten a evolución da paisaxe construída. Organizado conxuntamente co Colexio Oficial de Arquitectos de Galicia, a inauguración coincide coa celebración do Día da Arquitectura dedicado este ano á construción sostible.

02/10/2007

As construcións do campus convértense nun museo para os vigueses

• Vigo
• Cultura

Con motivo do Día Mundial da Arquitectura programáronse visitas guiadas ao campus de Vigo, co propósito que de que os cidadáns se acheguen ao valor arquitectónico das súas infraestruturas. A delegación local do Colexio Oficial de Arquitectos de Galicia organizou un percorrido a través da historia da institución que permitiu aos participantes coñecer os proxectos da man dos seus autores. A iniciativa, que pretende acadar unha maior identificación da cidade de Vigo co seu campus universitario, atraeu a estudantes e persoas de todas as idades. Ao tempo que aprenderon sobre arquitectura, os visitantes mergulláronse na actividade docente e investigadora da Universidade

01/10/2007

Inaugúrase a exposición “Afinidades Selectivas”

• Vigo
• Cultura

O intercambio de “afinidades” entre profesores, alumnos e ex alumnos da Facultade de Belas Artes de Pontevedra, é a base do proxecto expositivo “Afinidades Selectivas” que ata o 4 de novembro pode visitarse na Casa Galega da Cultura.

27/09/2007

O programa Ensaiamos continúa ofrecendo aos grupos musicais un local para tocar

• Vigo
• Cultura

Despois do éxito de participación do pasado curso, o programa Ensaiamos volve no comezo do curso co obxectivo de ofrecer un espazo gratuíto e común aos grupos musicais. Dende este mércores e ata o vindeiro 11 de outubro permanecerá aberto o prazo de inscrición para que todas aquelas bandas interesadas presenten as súas solicitudes.

26/09/2007