Novas do DUVI

Catro novas propostas renovan a oferta de cursos da ANL para o segundo cuadrimestre

• Entidades Colaboradoras
• Estudantes
• Medios
• PAS

A Área de Normalización Lingüística acaba de abrir a matrícula para os cursos do 2ª cuadrimestre, unha oferta formativa que nesta ocasión se renova case por completo e que engloba seis cursos, incluíndo catro novas propostas coas que a ANL busca seguir mellorando a formación en lingua galega de toda a comunidade universitaria. 

03/02/2025

A Universidade de Vigo conmemora 50 anos de estudos universitarios en Ourense

• Entidades Colaboradoras
• Estudantes
• Medios
• PAS

A Universidade de Vigo celebrou este venres o acto conmemorativo do 50 aniversario dos estudos universitarios en Ourense. Percorrendo o camiño do persoal ao colectivo, membros que foron ou son da comunidade universitaria e representantes de numeras entidades compartiron lembranzas, anécdotas e emocións.

31/01/2025

O campus de Vigo acolle este curso a 391 estudantes internacionais de preto de 40 países

• Entidades Colaboradoras
• Estudantes
• Medios
• PAS

Tras darlles a benvida nos campus de Ourense e Pontevedra, a UVigo recibiu este venres aos 173 estudantes internacionais que acaban de chegar á cidade olívica para estudar nalgunha das escolas e facultades do seu campus o segundo cuadrimestre. Súmanse aos 218 que xa chegaran á cidade o pasado mes de setembro.

31/01/2025

A UVigo sitúase entre as 400 mellores do mundo en catro eidos relacionados coas Ciencias da Vida e o Dereito

• Entidades Colaboradoras
• Estudantes
• Medios
• PAS

O THE World University Rankings by Subject 2025 sitúa a Universidade de Vigo entre as 400 mellores do mundo en catro eidos do coñecemento. Nesta clasificación, que analiza o potencial académico e investigador de institucións de todo o mundo, a UVigo destaca na franxa 301-400 entre tres materias relacionadas coas ciencias da vida (Ciencias Agrícolas e Forestais, Ciencias do Deporte e Ciencias Biolóxicas) e no campo do Dereito, onde está tamén na franxa 300+.

30/01/2025

57 estudantes de 18 nacionalidades fórmanse este curso no campus de Pontevedra

• Entidades Colaboradoras
• Estudantes
• Medios
• PAS

Chegados á cidade ao abeiro de diferentes programas de mobilidade, 57 estudantes procedentes de 18 países formaranse nas diferentes facultades e escolas do campus ao longo do presente curso.

30/01/2025

A dixitalización da democracia abre no campus o ciclo de conferencias dunha rede europea 

• Entidades Colaboradoras
• Estudantes
• Medios
• PAS

Dirección e Xestión Pública acolleu este xoves o inicio dun ciclo de conferencias sobre dixitalización, inserida nas actividades da rede europea ENDE, da que forma parte o profesor Celso Cancela.

30/01/2025

Organización Industrial celebra en 2025 40 anos nos que se formaron 2000 profesionais `verdadeiramente polivalentes’

• Entidades Colaboradoras
• Estudantes
• Medios
• PAS

A Escola de Enxeñería Industrial celebra este ano o 40 aniversario da primeira promoción da especialidade de Organización Industrial, 40 anos nos que se levan formado máis de 2000 profesionais “verdadeiramente polivalentes”, tal e como recalca o catedrático José Carlos Prado.

30/01/2025

A UVigo dá a benvida a 235 estudantes internacionais que se incorporan este cuadrimestre ás súas aulas

• Entidades Colaboradoras
• Estudantes
• Medios
• PAS

A Universidade de Vigo recibe esta semana ao alumnado estranxeiro de intercambio que, ao abeiro dalgún dos convenios e programas internacionais existentes, estudará este segundo cuadrimestre nos seus tres campus. En total trátase de 235 mozas e mozos, que se suman a 47 que continúan do primeiro cuadrimestre, e que traen ás aulas da UVigo a multiculturalidade.

29/01/2025

A UVigo celebra San Tomé premiando “a excelencia a todos os niveis”

• Entidades Colaboradoras
• Estudantes
• Medios
• PAS

A Universidade de Vigo é unha institución pública na que se valora o esforzo, o compromiso e o talento, unha universidade que está ao dispor de toda a sociedade para, entre todos e todas, ser quen de acadar un mundo máis xusto, máis igualitario e máis desenvolvido. Esta é a mensaxe que lanzou o reitor, Manuel Reigosa, na celebración de San Tomé de Aquino.

28/01/2025

Os Premios Extraordinarios de Doutoramento distinguen a traxectoria excelente de 13 investigadores e 8 investigadoras

• Entidades Colaboradoras
• Estudantes
• Medios
• PAS

Nunha sesión extraordinaria, e primeira do ano 2025, o Consello de Goberno da Universidade de Vigo aprobou este venres a relación de persoas distinguidas cos Premios Extraordinarios de Doutoramento do curso 2023/2024. En total, 21 investigadores e investigadoras (13 homes e 8 mulleres) de todos os eidos de coñecemento. 

24/01/2025

'Homes de coidado', un xornal que reflexiona sobre as masculinidades corresponsables

• Entidades Colaboradoras
• Estudantes
• Medios
• PAS

Segundo un informe de CCOO, en España hai dous millóns de mulleres que non traballan para facerse cargo de coidados familiares. As que si o fan, levan sobre as súas costas boa parte das tarefas relacionadas coa familia e o fogar. Fronte a esta fenda de coidados xorden as voces dos homes corresponsables, dos “homes de coidado'. Eles son precisamente o eixe dunha nova publicación presentada este xoves pola Unidade de Igualdade da UVigo.

23/01/2025

A UVigo recibe da Xunta 6,36 millóns de euros para desenvolver o Campus Auga e construír o novo edificio de Aeronáutica

• Entidades Colaboradoras
• Estudantes
• Medios
• PAS

A Universidade de Vigo e a Consellería de Educación, Ciencia, Universidades e FP asinaron este xoves en Ourense dous convenios de colaboración. A través deles, a Xunta de Galicia destinará 6,36 millóns de euros para desenvolver o Campus Auga, o proxecto de especialización do campus de Ourense, e construír un novo edificio para a súa Escola de Enxeñaría Aeronáutica e do Espazo.

23/01/2025

Belén Riveiro recolle o Premio da Real Academia Galega de Ciencias e a Universidad Intercontinental de la Empresa para investigadores e investigadoras novas

• Entidades Colaboradoras
• Estudantes
• Medios
• PAS

A profesora da Universidade de Vigo Belén Riveiro recolleu no serán deste mércores en Santiago de Compostela o Premio da Real Academia Galega de Ciencias e a Universidad Intercontinental de la Empresa pera investigadoras e investigadores novos, na categoría de Ciencias Técnicas.

23/01/2025

Un proxecto de innovación educativa busca fomentar no campus unha mobilidade activa e sostible

• Entidades Colaboradoras
• Estudantes
• Medios
• PAS

“Focalizar a atención da comunidade educativa do campus de Pontevedra na importancia da mobilidade activa, saudable e sostible no ámbito educativo”. Este era o propósito central dun proxecto de innovación docente da Facultade de Ciencias da Educación e do Deporte, no que participaron máis de 350 persoas.

21/01/2025

A UVigo ampliará as súas estratexias de acollida de alumnado e profesorado palestino

• Entidades Colaboradoras
• Estudantes
• Medios
• PAS

A Universidade de Vigo seguirá a traballar para ampliar a súa rede de colaboración con Palestina. Tras unha reunión mantida entre o reitor, Manuel Reigosa, con Sami Ashour, presidente da Asociación galaico-árabe Jenin, a institución académica acordou estender as súas estratexias de cooperación para tratar de acoller máis alumnado e profesorado procedente deste país.

20/01/2025