Diario da Universidade de Vigo
Este xoves, 16 de outubro
Extensión Cultural e Estudantes ultima os preparativos da “Festa de Campus”
Con concertos e actividades lúdico-deportivas en todos os centros da Xunqueira
A Área de Extensión Cultural e Estudantes está a ultimar os preparativos da Festa de Campus que a institución organiza para este xoves co obxectivo de dar a benvida a todos os alumnos deste curso académico que acaba de comezar. A iniciativa, que incluirá actividades lúdico-deportivas nas diferentes escolas e centros, pretende “ser algo dirixido exclusivamente ao estudantado, sen nada de tipo oficial, solo como recibimento”, subliñou a directora da área, Ana Belén Fernández Souto. Ademais, engadiu a responsable, “será un festexo por todo o alto e servirá para que os estudantes se coñezan mellor entre eles”.
Ás 19.30 horas e para descansar un pouco de tanto exercicio, proxectarase o filme O concursante no salón de actos da Facultade de Ciencias Sociais e da Comunicación. Os asistentes divertiranse con esta comedia na que se narra a historia dun novo profesor de Historia que gaña un premio de lotería.
O broche de ouro da Festa do Campus virá da man do grupo de pop-rock Catpeople, que dará un concerto no parking de Ciencias Sociais e da Comunicación previa actuación de Reservoir Rag Dolls.
Varias actividades en todos os centros do campus
A festa comezará ás 13.00 horas con intervencións de teatro, mimo e pantomimas no comedor da Escola Universitaria de Enxeñaría Técnica Forestal e da Facultade de Ciencias Sociais e da Comunicación. A tarde continuará en ton de humor cunha sesión de monólogos na aula magna da Escola Universitaria de Fisioterapia e con actividades lúdico-deportivas en Ciencias da Educación e do Deporte. Os estudantes porán a proba a súa forma física xogando ao floorball, un xogo similar ao hockey, ao mazaball, que consiste en introducir a pelota na portería cunhas mazas acolchadas, e ao frisbee ou disco volador, que se introducirá por un aro situado a uns 2,5 metros de altura. Para rematar a sesión deportiva, organizarase un partido de fútbol científico no Pavillón Universitario co que os rapaces amosarán a súas habilidades para meter goles coa cabeza.Ás 19.30 horas e para descansar un pouco de tanto exercicio, proxectarase o filme O concursante no salón de actos da Facultade de Ciencias Sociais e da Comunicación. Os asistentes divertiranse con esta comedia na que se narra a historia dun novo profesor de Historia que gaña un premio de lotería.
O broche de ouro da Festa do Campus virá da man do grupo de pop-rock Catpeople, que dará un concerto no parking de Ciencias Sociais e da Comunicación previa actuación de Reservoir Rag Dolls.