Diario da Universidade de Vigo
A Universidade rompe unha lanza a favor do labor dos deportistas de elite
O triatleta Javier Gómez Noya e o iudoka Miguel Romero reciben a insignia de ouro da institución
O triatleta Javier Gómez Noya e o iudoka Miguel Romero recibiron este mércores da man do Reitor, Alberto Gago, a insignia de ouro da Universidade, en recoñecemento á súa traxectoria deportiva.
Estudantes da Facultade de Ciencias da Educación e do Deporte, Javier Gómez Noya é gañador da Copa do Mundo de Triatlón 2006 e 2007 e Miguel Romero gañou 6 medallas de ouro obtidas en distintas edicións dos Campionatos de España Universitarios e representou á Universidade na Universiada de Bangkok 2007.
“A insignia é un pequeno detalle, pero, pasados os anos, vaivos remitir á que foi a mellor etapa da vosa vida que, sen dúbida, é esta”, afirmou o Reitor, quen destacou a falta de tradición e recoñecemento para os deportistas de elite na universidade española.
“Admiramos moito o que facedes, como competides e os resultados que alcanzades. Isto non sempre está valorado pero, podedes estar seguros de que desde aquí si que o facemos”, comentoulle. O Reitor fixo tamén referencia a posibilidade de conseguir que a Universiada de 2013 se celebre en Vigo, “sería extraordinario e daríalle un impulso definitivo ao deporte universitario”.
No acto estaba tamén previsto a entrega da insignia a estudante Lúa Piñeiro, campiona de España Universitaria 2007 na modalidade de Taekwondo e participante na Universiada de Bangkok, pero finalmente non puido acudir, polo que, neste caso se adiou a entrega.
Para Romero “o acto de hoxe é un paso máis, moi de agradecer, que manifesta que estamos moi apoiados pola institución e por aqueles que a representan pero aínda queda moito por facer, tanto desde o punto de vista económico, en forma de máis axudas, como tamén docente, na adaptación dos programas de estudo a este tipo de estudantes”.
Os Xogos Olímpicos de Pekín están agora no punto de mira de ambos deportistas.
Como anécdota exemplificante da dura vida dos deportistas universitarios o Reitor comentou o caso dun ex-alumno campión de España de bádminton que “a miúdo se quedaba durmido na clase, pero eu non o espertaba, pois estaba sometido a un traballo tremendo”.
Estudantes da Facultade de Ciencias da Educación e do Deporte, Javier Gómez Noya é gañador da Copa do Mundo de Triatlón 2006 e 2007 e Miguel Romero gañou 6 medallas de ouro obtidas en distintas edicións dos Campionatos de España Universitarios e representou á Universidade na Universiada de Bangkok 2007.
“A insignia é un pequeno detalle, pero, pasados os anos, vaivos remitir á que foi a mellor etapa da vosa vida que, sen dúbida, é esta”, afirmou o Reitor, quen destacou a falta de tradición e recoñecemento para os deportistas de elite na universidade española.
“Admiramos moito o que facedes, como competides e os resultados que alcanzades. Isto non sempre está valorado pero, podedes estar seguros de que desde aquí si que o facemos”, comentoulle. O Reitor fixo tamén referencia a posibilidade de conseguir que a Universiada de 2013 se celebre en Vigo, “sería extraordinario e daríalle un impulso definitivo ao deporte universitario”.
No acto estaba tamén previsto a entrega da insignia a estudante Lúa Piñeiro, campiona de España Universitaria 2007 na modalidade de Taekwondo e participante na Universiada de Bangkok, pero finalmente non puido acudir, polo que, neste caso se adiou a entrega.
En corpo e alma dedicados ao deporte
“Moitas veces sentímonos solos porque é moi complicado combinar os adestramentos, competicións e concentracións fóra cos estudos, por iso é de agradecer iniciativas coma estas, sobre todo no que se refire ao ofrecemento de apoio”, comentou Gómez Noya.Para Romero “o acto de hoxe é un paso máis, moi de agradecer, que manifesta que estamos moi apoiados pola institución e por aqueles que a representan pero aínda queda moito por facer, tanto desde o punto de vista económico, en forma de máis axudas, como tamén docente, na adaptación dos programas de estudo a este tipo de estudantes”.
Os Xogos Olímpicos de Pekín están agora no punto de mira de ambos deportistas.
Como anécdota exemplificante da dura vida dos deportistas universitarios o Reitor comentou o caso dun ex-alumno campión de España de bádminton que “a miúdo se quedaba durmido na clase, pero eu non o espertaba, pois estaba sometido a un traballo tremendo”.