Novas do DUVI

Os principais investigadores españois na simulación de reformas fiscais celebran o seu primeiro simposio no campus vigués

Cunha sesión sobre fontes de datos comezou no edificio Miralles, o I Simposio sobre Reformas Fiscais e Microsimulación que se prolongará ata este venres, xornada na que serán protagonistas as técnicas e metodoloxías, así como as simulacións. As sesións inauguradas polo Reitor, Alberto Gago e o subdirector xeral de Estudos Tributarios do Instituto de Estudos Fiscais, están organizadas polo grupo de investigación Rede (Research in economics, business and the environment) da Facultade de Ciencias Económicas e Empresariais e o Instituto de Estudos Fiscais e contan coa participación de investigadores de universidades españolas como a de Barcelona, a Complutense, a Rey Juan Carlos, a de Valencia, Oviedo, o a Universitat de les Illes Balears.

Investigadores dos cinco continentes na Facultade de Filoloxía e Tradución

Se de por si a Facultade de Filoloxía e Tradución é un centro políglota e multicultural, este xoves viviu unha intensa xornada coa celebración de dous encontros que reuniron no lugar investigadores dos cinco continentes. Dunha banda, o “III Congreso Internacional de Lingüística Hispánica: novos investigadores en linguas e lingüística” e, da outra, o “I Simposio sobre Docencia e Investigación das literaturas poscolinais: o estado dos estudos poscoloniais nas universidades españolas”.

Antonio Bolívar afirma que na universidade, a docencia ten que ser igual de importante que a investigación

Antonio Bolívar, catedrático de Didáctica e Organización Escolar da Facultade de Ciencias da Educación da Universidade de Granada, asegurou hoxe que hai que valorar e discutir a docencia como actividade propia da Universidade durante a conferencia sobre “A avaliación na Universidade”, que se enmarca no curso “A docencia universitaria” que organiza a Vicerreitoría de formación e innovación educativa.

Representantes das universidades españolas debaten en Vigo sobre as inminentes modificacións do marco xurídico

Para poñer en común as experiencias dos servizos xurídicos e secretarías xerais das universidades, este xoves e venres desenvolvese no campus vigués un encontro que, baixo o título “A reforma dos estatutos universitarios”, reúnen a representantes universitarios de toda España.
Organizada pola Universidade de Vigo en colaboración coa Asociación para o Estudo do Dereito Universitario (AEDU), esta xuntanza pretende converterse “nun foro de estudo e debate do dereito universitario orientado ás asesorías xurídicas e ás secretarías xerais”, destacou Esther González Pillado. Segundo a secretaria xeral da Universidade de Vigo, “tentaremos establecer pautas de cara á reforma dos estatutos”.

Amnistía Internacional comeza o curso con accións orientadas a mellorar a situación dos Dereitos Humanos

Empresa – Universidad, una colaboración necesaria

O presidente da Confederación de Empresarios de Pontevedra, José Manuel Fernández Alvariño, afonda neste artigo de opinión nalgunhas das principais razóns polas que universidade e empresa deben relacionarse e complementarse. A axuda aos estudantes no acceso ao mercado laboral, así como a adecuación dos traballos de investigación ás necesidades reais das empresas, son para o presidente da patronal pontevedresa os maiores retos que deben afrontar empresarios e universidade, desde dúas institucións que afirma "son conscientes da necesidade de estreitar, cada día máis, os seus lazos de colaboración". O presidente da Confederación de Empresarios de Pontevedra, tamén indice, neste artigo de opinión no DUVI na necesidade de invertir na formación, tanto universitaria como profesional dos estudantes, como unha gran aposta "por un importantísimo activo humano antes de que se produza a incorporación ao mercado laboral".

Comeza o ciclo de conferencias "GALPon 2007 na UVigo"

Ao longo dos meses de outubro e novembro o campus vigués acollerá un programa de relatorios organizado polo Grupo de Amigos de Linux de Pontevedra. O ciclo de conferencias e obradoiros “GALPon 2007 na UVigo” comprenderá máis de 30 horas repartidas dende este xoves 18 de outubro e ata o vindeiro 6 de novembro. Entre os contidos afondarase en temas como a sinatura dixital, o Media Center feito con GNU/Linux, os escritorios lixeiros para recuperar computadoras obsoletas, Home Station para ter na casa, seguridade en redes WiFi ou mesmo o desenvolvemento en PHP con patTemplate.

Expertos en reformas fiscais reúnense en Vigo no primeiro simposio sobre o tema

Os investigadores que traballan en España en temas de reformas fiscais e microsimulación reúnense este xoves no Edificio Miralles no que constitúe o primeiro simposio que se organiza en España sobre a materia.
En total son 28 expertos procedentes de toda España, non só de universidades e do IEF, senón tamén do Instituto Nacional de Estatística e do Banco de España.

A termas ourensás abren a programación dos Roteiros Culturais

Patrimonio e natureza únense ano tras ano na programación dos Roteiros Culturais, organizados polo Servizo de Deportes da Universidade de Vigo. Estas rutas a pé polos paraxes máis representativos de Galicia permiten que se colla da man o contorno natural coa cultura e a historia. O primeiro dos itinerarios terá lugar este sábado 20 de outubro cun percorrido pola Rota das Termas. Con saída en Ourense percorrerase o Castro de Santomé, a Chavasqueira, as Termas de Outariz e volta a Ourense.

Antonio Bolivar falará no campus de Vigo sobre “A avaliación na universidade”

O catedrático de Didáctica e Organización Escolar da Facultade de Ciencias da Educación da Universidade de Granada, Antonio Bolivar, ofrecerá o vindeiro xoves, 18 de outubro, as 11 da mañá,no salón de graos da Facultade de Ciencias Xurídicas e do Traballo do campus de Vigo, unha conferencia titulada A avaliación na universidade. A conferencia está encadrada no ciclo titulado “A docencia universitaria”, organizado pola vicerreitoría de Formación e Innovación Educativa

Universidade, COAG e Caixanova editan unha singular guía do campus de Vigo

“Queriamos facer algo distinto a un catálogo dunha exposición, pero tamén diferente dun libro dedicado a unha obra de arquitectura ou un conxunto de obras. O que se nos ocorreu foi converter o habitual catálogo nunha singular guía do campus”, así define o arquitecto Xosé Carlos Rodríguez, coordinador da obra, o volume Campus universitario de Vigo. “Sirva esta guía para comezar un percorrido pola nosa Universidade que nos axude a coñecela, comprendela e converternos en cómplices durante o camiño que queda por percorrer”, sinala o Reitor, Alberto Gago, nun dos textos de introdución.

Banco de recursos para docentes universitarios

“Un banco de recursos no que o profesor pode atopar materiais e recursos do máis variados para axudalo na súa docencia”, así define Pedro Membiela, vicerreitor de Formación e Innovación Educativa, o novo portal web para profesores, un innovador proxecto no que os docentes universitarios copan o protagonismo. O portal está pensado coma un punto de encontro entre profesionais. “O obxectivo principal é servir de axuda aos nosos docentes pero tamén ter unha ferramenta que sirva de difusión dos traballos que están a facer. O intercambio de experiencias entre profesionais é básico para a mellora da docencia e, neste senso, o portal vai ser clave”, salienta Pedro Membiela.

O Universidade de Rugby comeza a tempada con derrota

O Universidade de Vigo de Rugby desputou esta fin de semana o seu primeiro partido da liga 2007-2008 na División de Honra B. Fronte ao Durango e en campo contrario o equipo adestrado por Aníbal Babini perdeu por 26-10. A vindeira semana xogarán o seu primeiro encontro na casa contra o Hernani. Tamen neste días botará a andar un curso de iniciación a este deporte co obxectivo de difundilo entre os universitarios e crear un canteira para o club.

“Apostamos por rexuvenecer o cadro estable de doutores a través da súa incorporación en programas de calidade”

Alberto Gago fala nesta entrevista no DUVI dos retos máis relevantes que afronta a Universidade de Vigo neste curso 2007/2008 que acaba de comezar, entre os que se atopan a actualización da oferta de titulacións, o rexuvenecemento do cadro de doutores, ou as infraestruturas que nos próximos meses remataranse (CITI ou Biblioteca de Ciencias) ou comezarán (proxecto de Vías Elevadas) nos tres campus.
O nomeamento nos próximos meses dunha novo equipo de xerencia, a política de I+D+i da institución ou as posibilidades que a cidade de Vigo ten de acoller nuns anos a celebración dunha Universiada, son outros asuntos dos que fala o Reitor da Universidade de Vigo, que tamén avanza que nos próximos meses verá a luz o Plan Estratéxico que fixará os camiños polos que debe transitar a universidade á fronte da que Alberto Gago cumpriu o pasado mes de maio, un ano de mandato.

O Reitor da Universidade Autónoma de Madrid, novo presidente da CRUE

A Conferencia de Reitores das Universidades de España elixiu este martes ao seu novo presidente, Ángel Gabilondo, Reitor da Universidade Autónoma de Madrid. Gabilondo, que foi o único candidato que se presentou ás eleccións, contou co respaldo de 58 votos dos 62 asistentes á Asemblea Xeral celebrada na sala de xuntas da Reitoría da Universidade Complutense de Madrid.