Novas do DUVI

A CIG é o sindicato máis votado nas eleccións á Xunta de Persoal Funcionario da UVigo

• Entidades Colaboradoras
• Estudantes
• Medios
• PAS

O Persoal Técnico de Xestión de Administración e Servizos (PTXAS) da Universidade de Vigo elixiu este xoves aos e ás súas representantes sindicais da Xunta de Persoal Funcionario. Votou o 74,77% do electorado, 581 persoas, e o sindicato máis votado foi a CIG, que acadou oito delegadas e delegados.

28/03/2025

Educación e Traballo Social celebra o Día da Francofonía con obradoiros para nenas e nenos

• Entidades Colaboradoras
• Estudantes
• Medios
• PAS

A Facultade de Educación e Traballo Social do campus de Ourense sumouse este venres á celebración do Día Internacional da Francofonía. A actividade estivo organizada polas profesoras deste centro Carla Míguez e Sara Vázquez, que imparten as materias de Francés nos graos en Educación Infantil e Educación Primaria.

28/03/2025

Profesionais do audiovisual achegan a realidade do sector ao alumnado da Facultade de Comunicación

• Entidades Colaboradoras
• Estudantes
• Medios
• PAS

Na xornada na da súa estrea, o alumnado da Facultade de Comunicación puido coñecer de primeira man tanto os contidos como o proceso de rodaxe da serie Punto Nemo, a través da proxección do seu primeiro capítulo e dun coloquio co seu director, Denis Rovira, a produtora executiva Mamen Quintas e o actor Maxi Iglesias.

28/03/2025

O foro Ágora Termal nace para impulsar o aproveitamento dos recursos termais e xeotérmicos de Ourense

• Entidades Colaboradoras
• Estudantes
• Medios
• PAS

O campus de Ourense acolleu este xoves o lanzamento do foro de debate e divulgación científica Ágora Termal. A entidade nace a instancia dun nutrido grupo de persoal docente e investigador do Campus Auga da Universidade de Vigo “coa vocación de contribuír ao desenvolvemento do termalismo e propiciar o aproveitamento sostible dos recursos xeotérmicos de Ourense”.

27/03/2025

Os Premios Semente distinguen o traballo do Campus Auga e da investigadora Laura Meno

• Entidades Colaboradoras
• Estudantes
• Medios
• PAS

Xinzo de Limia acolleu este mércores pola tarde a entrega de galardóns da primeira edición dos Premios Semente, que teñen como obxectivo pór en valor as mellores iniciativas do sector agroalimentario de Galicia ao tempo que se destaca a colaboración entre o mundo académico e o rural.

27/03/2025

Máis de 750 PTXAS elixen durante toda a xornada os e as súas representantes sindicais

• Entidades Colaboradoras
• Medios
• PAS
• Público externo

Ata as 18:30 horas permanecerán abertas as urnas nas que o Persoal Técnico de Xestión de Administración e Servizos (PTXAS) pode votar este xoves nos tres campus da Universidade de Vigo para elixir aos e ás súas representante sindicais na Xunta de Persoal Funcionario.

27/03/2025

A segunda edición do Bioblitz da UVigo identifica máis de 230 especies no campus

• Entidades Colaboradoras
• Estudantes
• Medios
• PAS

Carballos, acivros, toxos, violetas do monte, lagartos, abellóns, bolboretas… A segunda edición do Bioblitz da UVigo identificou máis de 230 especies no campus. Enmarcado dentro das actividades organizadas con motivo do Día Mundial da Biodiversidade, participaron neste particular percorrido unha corentena de estudantes.

27/03/2025

A Facultade de Relacións Internacionais achega o seu alumnado á actividade no exterior de empresas da contorna

• Entidades Colaboradoras
• Estudantes
• Medios
• PAS

A Facultade de Relacións Internacionais do campus de Ourense organiza do 26 de marzo ao 25 de abril o II Ciclo de Seminarios Interactivos, que nesta ocasión leva por título e temática Comercio Internacional. Coordinada polo profesor José Ángel Vázquez Barquero, a actividade conta con nove sesións.

26/03/2025

Catro horas de radio e tradición oral para festexar 30 anos de Ponte…nas ondas!

• Entidades Colaboradoras
• Estudantes
• Medios
• PAS

O campus de Ourense foi unha das noves sedes de Galicia e do norte de Portugal nas que esta mañá  se celebrou o 30 aniversario da Asociación Cultural e Pedagóxica Ponte…nas ondas! Foi cun maratón de radio no que participaron oito centros de diferentes etapas educativas e nos que os grandes protagonistas foron a tradición oral, a interculturalidade e a interxeracionalidade.

26/03/2025

O catedrático da UVigo Jesús Simal, entre os premiados 2025 polo Galicia Fórum Gastronómico

• Entidades Colaboradoras
• Estudantes
• Medios
• PAS

A Coruña acolle estes días a celebración da décima edición do Galicia Fórum Gastronómico, cita de referencia en enogastronomía. Cada ano nela entréganse os seus Premios Picadillo, estando entre as persoas galardoadas neste 2025 o catedrático da Área de Nutrición e Bromatoloxía e investigador do Grupo de Investigacións Agrarias e Alimentarias (AA1) da Universidade de Vigo Jesús Simal.

 

24/03/2025

Especialistas da UVigo e UDC forman en tecnoloxías 3D a profesorado de infantil e primaria

• Entidades Colaboradoras
• Estudantes
• Medios
• PAS

Unha “comunidade educativa colaboradora”. Así definen o proxecto Polos en Marcha, as investigadoras e investigadores da Escola de Enxeñería Industrial que forman parte desta iniciativa, un traballo co que se tratan de achegar a tecnoloxía de impresión 3D e o interese polas disciplinas STEAM ás cativas e cativos de educación infantil e primaria.

24/03/2025

Alumnado de Empresariais e Turismo achégase á evolución da sociedade española a través da publicidade

• Entidades Colaboradoras
• Estudantes
• Medios
• PAS

A evolución da sociedade española a través da publicidade. Este foi o título e a temática dunha conferencia ofrecida este luns na Facultade de Ciencias Empresariais e Turismo do campus de Ourense por María Álvarez, directora xeral en España de Dentsu X, unha das axencias de publicidade máis grandes do mundo.

24/03/2025

A UVigo colabora un ano máis coa Semana Galega de Filosofía

• Entidades Colaboradoras
• Estudantes
• Medios
• PAS

A Universidade de Vigo colaborará un ano máis coa Semana Galega de Filosofía, que entre o 21 e o 25 de abril desenvolverá no Teatro Principal de Pontevedra a súa XLI edición, co nihilismo como eixe temático.

21/03/2025

A UVigo lanza unha macroenquisa para coñecer a situación laboral de máis de 100.000 titulados entre 1990 e 2024

• Entidades Colaboradoras
• Estudantes
• Medios
• PAS

O Observatorio de Persoas Tituladas da Universidade de Vigo, en colaboración co Consello Social, acaba de lanzar unha macroenquisa para coñecer a situación de empregabilidade das e dos titulados en estudos oficiais da UVigo entre o ano 1990 e 2024.

21/03/2025

Enxeñería Industrial suma o alumnado á tradicional entrega de premios do seu patrón

• Entidades Colaboradoras
• Estudantes
• Medios
• PAS

A Escola de Enxeñería Industrial sumou este ano ao alumnado mellor valorado á tradicional entrega de premios do seu patrón San Xosé. Foi no tradicional acto de celebración, na sede cidade da escola, un encontro no que como é habitual se entregaron unha trintena de recoñecementos.

20/03/2025