Novas do DUVI

Investigadores de Cintecx participan no experimento internacional máis ambicioso para o estudo dos neutrinos

• Entidades Colaboradoras
• Estudantes
• Medios
• PAS

Medir as diferencias entre a oscilación de neutrinos, partículas cuxa masa é cando menos un millón de veces inferior á do electrón, e antineutrinos, as súas réplicas de antimateria, para contribuír ao avance do coñecemento do universo. Este é o obxectivo do experimento DUNE, o proxecto internacional máis ambicioso e avanzado ata a data para o estudo dos neutrinos. Con miles de científicos de ducias de países implicados, a Universidade de Vigo sumarase agora a este experimento a través dun equipo de investigadores do Cintecx.

11/11/2024

Fisioterapia impulsa unha xornada para promover e difundir a investigación sobre exercicio terapéutico

• Entidades Colaboradoras
• Estudantes
• Medios
• PAS

Promover a investigación sobre a prescrición de exercicio físico na abordaxe de diferentes patoloxías, así como darlle visibilidade aos estudos que na facultade se desenvolven neste eido. Eses son os dous obxectivos da xornada sobre exercicio terapéutico que Fisioterapia organiza este xoves 14 de novembro.

11/11/2024

Nomean ao profesor Luis Liz Marzán membro da Academia Nacional de Italia

• Entidades Colaboradoras
• Estudantes
• Medios
• PAS

Continúan os recoñecementos internacionais ao catedrático da Universidade de Vigo e profesor Ikerbasque de CIC biomaGUNE Luis Liz Marzán. Nesta ocasión, as boas novas chegan dende Italia, da man da Accademia Nazionale dei Lincei, quen acaba de nomealo académico estranxeiro na categoría de Ciencias Físicas, Matemáticas e Naturais.

11/11/2024

Investigadoras galegas lanzan un directorio que visibiliza o traballo das artistas migrantes que viven en Galicia

• Entidades Colaboradoras
• Estudantes
• Medios
• PAS

Ophelia Pires, Sofía Canedo, Wöyza, Diana Tarín, Mercé de Rande, Mariana Rodrigo…  Todas son mulleres, todas son artistas e todas teñen en común a experiencia migrante.  Son só algúns exemplos das 32 iniciativas artísticas -individuais e colectivas-  que aparecen recollidas no Directorio de mulleres migrantes artistas en Galicia.

11/11/2024

Investigadores da UVigo avalían o impacto das plantacións de eucalipto sobre a diversidade, abundancia e composición das comunidades de vertebrados

• Entidades Colaboradoras
• Estudantes
• Medios
• PAS

Durante catro anos e cun orzamento de 170.000 euros, Guillermo Velo Antón, investigador do grupo Ecoevo da Universidade de Vigo, lidera un equipo científico que está a avaliar as respostas dos vertebrados ás plantacións de árbores invasoras. 

08/11/2024

Unhas xornadas poñen o foco na “pandemia silenciosa” da resistencia aos antibióticos

• Entidades Colaboradoras
• Estudantes
• Medios
• PAS

Desde hai anos, ante a problemática da crecente resistencia das bacterias aos antibióticos, a Área de Microbioloxía da Universidade de Vigo está comprometida desde o punto de vista investigador senón tamén divulgativo, desenvolvendo diferentes iniciativas de concienciación cidadá.

08/11/2024

Un equipo da EE Forestal desenvolve ferramentas coas que prever a evolución das especies arbóreas invasoras 

• Entidades Colaboradoras
• Estudantes
• Medios
• PAS

No marco dun proxecto financiado polo Ministerio de Ciencia, Innovación e Universidades, un equipo de investigadoras e investigadores da Escola de Enxeñaría Forestal traballa no desenvolvemento dunha metodoloxía que, a partir de imaxes de satélite e de tecnoloxía LiDAR, permita identificar e cuantificar a extensión masas arbóreas de especies invasoras como a acacia, que poden causar graves danos ecolóxicos.

07/11/2024

O profesorado de Dereito Procesual de España dáse cita no X Memorial Manuel Serra Domínguez

• Entidades Colaboradoras
• Estudantes
• Medios
• PAS

Cada ano, o profesorado que imparte Dereito Procesual nas universidades españolas ten unha cita coa celebración do Memorial Manuel Serra Domínguez. Este ano, o evento celébrase por primeira vez en Ourense, tendo lugar este xoves e venres na Facultade de Dereito do campus.

07/11/2024

Albino Prada analiza nun novo libro os retos que Galicia debe asumir para deixar de ser un país “desnortado e minguante”

• Entidades Colaboradoras
• Estudantes
• Medios
• PAS

Galicia. Un país desnortado e minguante. Este é o título elixido polo profesor Albino Prada para o seu novo libro, un ensaio no que artella “unha ollada poliédrica -non economicista- con argumentos de fondo que axuden a centrar unha estratexia de desenvolvemento acaída para o país”.

07/11/2024

Un estudo reúne os primeiros datos sobre o comportamento da única libélula que se reproduce de noite

• Entidades Colaboradoras
• Estudantes
• Medios
• PAS

Pertencente a unha familia de libélulas apenas estudada, a Phylolestes ethelae é unha especie que só pode atoparse en República Domincana e Haití e que presenta un comportamento ata agora nunca detectado nos odonatos, como retrasar o apareamento ata última hora da tarde ou mesmo despois do anoitecer. Este foi o principal descubrimento dun estudo levado a cabo polo grupo de investigación EcoEvo.

06/11/2024

O proxecto arqueolóxico de Armea continúa con tarefas de restauración e laboratorio

• Entidades Colaboradoras
• Estudantes
• Medios
• PAS

Este verán o Grupo de Estudos de Arqueoloxía, Antigüidade e Territorio (GEAAT) da Universidade de Vigo volveu un ano máis escavar na 'cibdá' romana de Armea, na parroquia ourensá de Santa Mariña de Augas Santas (Allariz). O equipo retoma agora o proxecto levando a cabo tarefas de restauro do xacemento e de investigación.

06/11/2024

Investigadores do Cintecx propoñen un novo modelo de seguridade viaria mellorado, baseado na aplicación de solucións de intelixencia artificial  

• Entidades Colaboradoras
• Estudantes
• Medios
• PDI

Mellorar a seguridade do transporte por estrada a través de tecnoloxías Digital Twin (xemelgo dixital) é o obxectivo do proxecto RoadS2Win, para o que o grupo GeoTECH, Xeotecnoloxías Aplicadas, do Cintecx, recibiu, para desenvolver a súa investigación, durante os tres próximos anos, 212.500 euros.

06/11/2024

Luiz Liz acada un Synergy Grant cun orzamento de 9 m€ para desenvolver nanopartículas á carta

• Entidades Colaboradoras
• Estudantes
• Medios
• PAS

A traxectoria investigadora do catedrático da UVigo e profesor Ikerbasque de CIC biomaGUNE Luis Liz Marzán acaba de ser merecedora dun novo recoñecemento internacional. O ERC concédelle un dos prestixiosos Synergy Grant, unha axuda que ten como obxectivo financiar proxectos de investigación moi ambiciosos e de alto risco que involucren grupos de diferentes disciplinas e de diferentes países.

05/11/2024

Unha publicación recolle a aposta pola aprendizaxe cooperativa da Facultade de Educación e Traballo Social

• Entidades Colaboradoras
• Estudantes
• Medios
• PAS

O desafío da aprendizaxe cooperativa na universidade. Con este título preséntase unha nova publicación feita desde a Facultade de Educación e Traballo Social do campus de Ourense na que se recolle a aposta deste centro pola aprendizaxe cooperativa.

04/11/2024

O campus de Pontevedra reivindica o "poder transformador" da creatividade

• Entidades Colaboradoras
• Estudantes
• Medios
• PAS

Preto dun centenar de investigadoras e investigadores de 17 universidades participan desde este luns, tanto de xeito presencial como virtual, no I Congreso Internacional de Creatividade, promovido polo Campus Crea no marco dos traballos para acadar a súa acreditación como campus de especialización.

04/11/2024