II Xornada de igualdade para o estudantado internacional

A Vicerreitoría de Internacionalización organiza a segunda xornada de igualdade para o estudantado internacional «Avanzando en igualdade: construíndo unha UVigo libre de violencias machistas» con Bárbara Tardón Recio. Será o 13 de marzo de 2025, de 13.30 a 16.00 h, na sala 1 do edificio Miralles.

A Universidade de Vigo reafirma o seu compromiso por unha sociedade xusta e igualitaria, onde a igualdade entre mulleres e homes sexa unha realidade. Por iso, a segunda edición da xornanda de igualdade para o estudantado internacional da UVigo busca fortalecer a conciencia colectiva e dotar as persoas asistentes de ferramentas prácticas para previr e actuar fronte á violencia machista no ámbito universitario.

1. A igualdade e a violencia contra as mulleres en España
   España, país pioneiro na loita pola igualdade de xénero. Sen dar un só paso atrás, avanzamos con orgullo cara a unha sociedade máis xusta e igualitaria.
2. A conquista dos dereitos no noso país
   O papel do feminismo e das institucións públicas na consecución de dereitos fundamentais para as mulleres.
3. «Do non é non ao si é si»
   Reflexionaremos sobre o concepto de consentimento e a importancia de establecer límites claros e respectuosos.
4. Recursos de atención para as mulleres
   Presentación de recursos dispoñibles na UVigo e no ámbito local para apoiar as mulleres en situacións de violencia.
5. Espazo aberto para preguntas
   Unha oportunidade para resolver dúbidas e compartir reflexións nun ambiente seguro e respectuoso.

A xornada incluirá dinámicas participativas, estudos de caso e espazos de reflexión colectiva, co fin de crear unha experiencia enriquecedora para todas as persoas asistentes.

Inscrición