Comisión de estudos do Centro de Posgrao e Formación Permanente

A Comisión de estudos do Centro de Posgrao e Formación Permanente (CPFP) é o órgano de regulación, aprobación, organización e supervisión da calidade dos programas de formación permanente da Universidade de Vigo.

Funcións

Esta comisión realiza as funcións que desenvolvía a extinguida Comisión de estudos propios:

• Revisar e aprobar as solicitudes dos títulos propios de especialización académica, agás o mestrado propio, e de calquera programa específico de formación permanente vinculado á Universidade de Vigo. No caso das propostas de mestrado propio, informará o Consello de Goberno, que será o responsable final da súa aprobación.
• Solicitar en calquera momento informes externos sobre a proposta dun título propio de especialización académica ou dun programa específico de formación permanente.
• Establecer os calendarios adecuados para a solicitude dos títulos propios de especialización académica.
• Propoñer, para cada curso académico, o prezo máximo de matrícula por ECTS nos títulos propios de especialización académica, que lle enviará ao Consello Social para a súa aprobación.
• Propoñer o custo máximo por hora de dedicación e por coordinación dos títulos propios de especialización académica, que lle enviará ao Consello de Goberno para a súa aprobación.
• Propoñer os prezos de expedición dos títulos ou dos diplomas propios, que lle enviará ao Consello Social para a súa aprobación.
• Aprobar as reedicións dos títulos propios de especialización académica.
• Aprobar as solicitudes de modificación nas propostas dos títulos propios de especialización académica.
• Verificar o cumprimento deste regulamento no desenvolvemento dos títulos propios.
• Elaborar e aprobar todos os procedementos necesarios para o adecuado desenvolvemento do presente regulamento.
• Supervisar a calidade dos títulos propios para o que elaborará, en coordinación coa Área de Calidade da Universidade de Vigo, un sistema de garantía de calidade adaptado á tipoloxía dos ensinos propios.
• Aprobar as memorias finais dos títulos propios de especialización académica e os informes finais dos programas específicos de formación.
• Aprobar as cancelacións dos títulos propios sempre que existan causas xustificadas.
• Xestionar as queixas, as suxestións ou as reclamacións relacionadas cos ensinos propios que sexan trasladadas polo CPFP.

Composición

A composición da Comisión de Estudos do Centro de Posgrao e Formación Permanente foi aprobada no Consello de Goberno do 28 de febreiro de 2024.

• A dirección do CPFP, que actuará como presidencia.
• A secretaría do CPFP, que actuará como secretaría da comisión.
• A dirección da Área de Titulacións.
• As subdireccións do CPFP.
• A xefatura do Servizo de Xestión de Estudos de Posgrao ou a persoa en quen delegue.
• Cinco representantes do PDI de cada un dos ámbito de coñecemento.
• Dous representantes do PTXAS.
• Un representante do estudantado.
• Un representante do Consello Social

Membros