Comisión de investigación e transferencia

Funcións

Elaborar a convocatoria do programa de axudas á investigación propio da Universidade de Vigo, así como resolver esta.
Valorar determinados méritos da produción científica e produción de transferencia.
Aprobar a creación de novos grupos de investigación.
Avaliar as solicitudes presentadas polos grupos de investigación para ofrecer prazas en diversos programas de recursos humanos
Informar ou elaborar propostas sobre os asuntos relacionados coa investigación etc.

Composición

A persoa que ocupe a vicerreitoría ou vicerreitorías das áreas relacionadas coa comisión.
Cinco docentes, garantindo, na medida do posible, a presenza de membros non pertencentes ao sector do profesorado doutor con vinculación permanente á universidade.
Dúas persoas representantes do estudantado.
Un membro do persoal técnico, de xestión e de administración e servizos.
Unha persoa representante do Consello Social.

A elección, dentro de cada un dos sectores, farase de entre os que figuran nunha lista única de cada sector, que se elaborará tras abrir un prazo de presentación de candidaturas. As renovacións realizaranse cada catro anos, agás no caso de representantes de alumnado que terán lugar cada dous anos.