Proxectos STEMbach

A Universidade de Vigo oferta unha serie de proxectos de investigación nas súas diferentes escolas e facultades. Estes permitiranlle ao estudantado do STEMbach desenvolver o seu proxecto e experimentar cos diferentes procedementos de investigación e os métodos científicos, dun xeito rigoroso, ordenado e crítico e para desenvolver investigacións propias.

A oferta de proxectos de investigación da Universidade de Vigo para o estudantado da edición STEMbach do bienio 2019/2021, ordenados por campus e por escolas e facultades é a que se expón a continuación:
 

Campus de Ourense

• Escola Superior de Enxeñaría Informática
• Escola de Enxeñaría Aeronáutica e do Espazo
• Facultade de Ciencias
• Facultade de Historia
• Facultade de Dereito
• Facultade de Ciencias Empresariais e Turismo
• Facultade de Educación e Traballo Social
• Facultade de Relacións Internacionais

Campus de Pontevedra

• Escola de Enxeñaría Forestal
• Facultade de Belas Artes
• Facultade de Ciencias da Educación e do Deporte
• Facultade de Comunicación
• Facultade de Dirección e Xestión Pública
• Facultade de Fisioterapia
• Facultade de Deseño

Campus de Vigo

• Centro de investigación en Nanomateriais e Biomedicina (CINBIO)
• Escola de Enxeñaría de Telecomunicación
• Escola de Enxeñaría de Minas e Enerxía
• Escola de Enxeñería Industrial
• Facultade de Comercio
• Facultade de Filoloxía e Tradución
• Facultade de Bioloxía
• Facultade de Ciencias Económicas e Empresariais
• Facultade de Ciencias Xurídicas e do Traballo
• Facultade de Ciencias do Mar
• Facultade de Química
• Instituto de Investigación Sanitaria Galicia Sur

Os centros educativos que teñan interese nalgún destes proxectos poden xestionar a súa asignación a través do enderezo electrónico da coordinación STEMbach da UVigo.

Asemade, estamos á disposición dos centros educativos para colaborar na dirección doutros proxectos de investigación non incluídos nesta listaxe. Unha vez realizada a proposta, desde a coordinación STEMbach da UVigo intentaremos atopar o profesorado adecuado para co-dirixir cada proxecto suxerido segundo a súa temática.