A viabilidade empresarial, o carácter innovador, o grao de madurez e o respecto ás políticas de igualdade son os criterios polos que se rexerá o xurado do Concurso de Ideas Empresarias Innovadoras que a Universidade de Santiago pon en marcha. O obxectivo é recoñecer o esforzo dos emprendedores e, para isto, ofrece cinco premios de 600 euros ás mellores propostas, que terán que ser novidosas e susceptible de pasar a ser un proxecto empresarial a curto e medio prazo. O concurso, que xa vai pola oitava edición, está aberto a tódolos membros da comunidade universitaria galega, independentemente da área de coñecemento da que proceda a súa idea.
21/11/2007
