Olimpíadas do saber

As olimpíadas do saber son competicións de carácter local, nacional e/ou internacional. O seu obxectivo é, por unha banda, difundir o coñecemento de diferentes disciplinas (matemáticas, física, química, bioloxía, xeoloxía, economía, historia…) entre o alumnado de niveis non universitarios e, por outra, fomentar o intercambio científico entre estudantes e docentes de diferentes provincias, comunidades autónomas e países. 

Coa participación nas olimpíadas búscase:

• Fomentar o desenvolvemento do talento e a excelencia entre o estudantado.
• Impulsar o interese pola investigación humanística, científica e tecnolóxica.

Máis información sobre as olimpíadas

• Olimpíada Española de Bioloxía 
  Facultade de Bioloxía
• Olimpíada Galega de Historia: Fai Historia con nós
  Facultade de Historia
• Olimpíada de Física 
  Facultade de Ciencias do Mar     
• Olimpíada de Xeoloxía  
  Escola de Enxeñaría de Minas e Enerxía
• Olimpiada Informática Galega
  Escola Superior de Enxeñaría Informática
• Olimpíadas de Teleco
  Escola de Enxeñaría de Telecomunicación
• Olimpíadas de Economía
  Facultade de Ciencias Empresariais e Turismo
• Olimpíadas da Creatividade
  Campus CREA

 Axudas para a organización das olimpíadas do saber

Desde a Universidade de Vigo queremos promover e dinamizar a organización de olimpíadas científicas e académicas. Por isto convocamos axudas dirixidas ás escolas e ás facultades para organizar estas competicións entre o estudantado xove co fin de estimular nel o estudo e incentivar a adquisición de actitudes e de competencias científicas, tecnolóxicas, lingüísticas, humanísticas e/ou sociais.

Ver convocatoria