Diversidade capacitativa- Programa Piune

O dereito á educación e ao traballo para todas as persoas recoñéce na lexislación vixente. A Axenda 2030 no seu obxectivo 4 sinala a importancia de promover unha educación inclusiva, equitativa e de calidade promovendo e garantindo o acceso inclusivo a todos os niveis para as persoas con diversidade capacitiva.O obxectivo desta educación é que cada persoa aprenda por si mesma e que pola súa propia autonomía e coas ferramentas axeitadas logre acadar o máximo desenvolvemento posible das súas capacidades. Un propósito que na Universidade de Vigo se presenta dentro da súa política e servizo para facer efectiva a igualdade de oportunidades no marco do sistema educativo universitario.

A Universidade de Vigo conta con diferentes programas e ferramentas para acadar a plena integración na vida universitaria do estudantado con necesidades específicas de apoio educativo.

Programa Piune

Entre os programas máis relevantes destaca o Programa de integración de universitarios/as con necesidades específicas de apoio educativo (Piune). Este programa ten por obxecto apoiar o estudantado con algún tipo desas necesidades ou trastornos de aprendizaxe legalmente recoñecido, implementando adaptacións baseadas en medidas de flexibilización e alternativas metodolóxicas. Estas persoas poderán recibir:

• Atención, acollida e asesoramento pola Unidade de Atención ao Estudantado con Necesidades Específicas de Apoio Educativo (Unaten).
• Soporte ao estudo (recursos técnicos de apoio...)
• Acompañamento en actividades diversas por persoal voluntario da UVigo.

Como formar parte do programa Piune

O estudantado poderá solicitalo a través da Sede electrónica da Universidade de Vigo, entrando no procedemento «SEXT-inscrición no Piune» e achegando o documento Anexo I

As persoas con algunha outra circunstancia que precisen dunha atención especializada tamén poderán acollerse ao programa Piune, nestes casos levarase a cabo previamente unha valoración por parte de técnicos especializados que determinarán a súa inclusión ou non no devandito programa. Por outra parte, tamén teñen a opción de recorrer a outras ferramentas das que dispón a Universidade de Vigo como os plans de acción titorial PAT de cada centro.

O estudantado que poida necesitar atención psicopedagóxica debe contactar coa Universidade de Vigo a través do enderezo electrónico diversidade@uvigo.gal. 

Documentación

• Formulario de solicitude de baixa no programa PIUNE
• Regulamento de atención ao estudantado con necesidades específicas de apoio educativo
  • Observación: de acordo coa lexislación vixente, a necesidade de implementar adaptacións curriculares para o alumnado con necesidades específicas de apoio, basearase en medidas de flexibilización e alternativas metodolóxicas.

Recursos

Necesidades educativas especiais (NEE)

• Guía de adptaciones en la universidad

Necesidades específicas de apoio educativo (NEAE)

• Guía de buenas prácticas para la transición, el acceso y la acogida del alumnado con necesidad específica de apoyo educativo en los estudios universitarios

Máis recursos

• PractiDUA. Guía práctica para abordar el diseño universal para el aprendizaje a través de rincones
• SAPDU. Rede de servizos de apoio a persoas con discapacidade da universidade 
• Fundación Universia
• Fundación Once. Guía universitaria