Diversidade afectivo-sexual e de xénero

O obxectivo deste espazo é sensibilizar e fomentar actividades que xeren conciencia e cambio social, fortalecendo a voz do colectivo LGTBIQA+ da Universidade de Vigo a través de accións que favorezan a súa participación na comunidade universitaria.

Parte da sociedade actual, lonxe de superar a fobia cara á diversidade afectivo-sexual e de xénero, manifesta actitudes discriminatorias e un medo irracional a relacionarse coas persoas que non conforman o modelo heteronormativo tradicional. Polo tanto, para garantir unha resposta unánime que garanta os dereitos e respecto pola liberdade sexual e de xénero das persoas, a UVigo articula unha serie de estratexias e de propostas que sirvan de base para establecer unha convivencia na que se concrete a oportunidade para a transformación e a participación inclusiva de todas as persoas.

Protocolo para cambiar de nome e de xénero de uso común das persoas trans e intersexuais

Este protocolo é o instrumento que garante o dereito das persoas transexuais, transxénero e intersexuais da comunidade universitaria a usar o nome e o xénero co que realmente se identifican nos procedementos internos da Universidade de Vigo cando non coincida cos de uso legal.

• Protocolo de actuación para cambiar de nome e de xénero de uso común das persoas transexuais, transxénero e intersexuais na Universidade de Vigo
• Solicitude 

Publicacións e recursos

• Manifesto da RUD
• Decálogos contra a LGTBIfobia do Observatorio Galego LGBTIQ+
  • Deporte
  • Educación 
  • Familia
• Observatorio galego contra a discriminación por orientación sexual e identidade de xénero
• Servizo 028 Arco da Vella de información, asesoramento e atención inmediata fronte á violencia por lgtbifobia

Actos de visibilización e xornadas

• Día Internacional contra a LGTBIfobia no Deporte (19/1/2025)