Comisión de organización académica e profesorado

Funcións

• Estudar os asuntos referentes á coordinación de campus e centros adscritos á universidade.
• Informar sobre a constitución, creación, desenvolvemento, modificación e supresión dos departamentos.
• Informar sobre a viabilidade académica das propostas dos plans de estudos e titulacións de grao oficiais, para a súa homologación, validación e implantación, con anterioridade ao seu estudo polo Consello de Goberno.
• Informar a aprobación, coordinación e desenvolvemento dos ensinos conducentes a titulacións propias da Universidade de Vigo.
• Propoñer os criterios de resolución de solicitudes de validación de estudos en centros desta ou doutras universidades.
• Informar da oferta anual de prazas (límite de prazas).
• Informar das propostas de organización docente da universidade.
• Estudar e coordinar a oferta educativa anual de materias optativas e de libre elección, así como o estudo da aceptación de cada unha delas por parte do estudantado.
• Estudar e informar das propostas feitas polos departamentos e centros relativas á creación, renovación e mantemento dos obradoiros e laboratorios docentes.
• Velar por unha dotación adecuada de prazas de profesorado.
• Informar das peticións dos departamentos en relación coas novas prazas e contratos de profesorado.
• Informar das normas xerais de actuación das comisións para xulgar as prazas de profesorado interino, contratado e axudante, antes da súa aprobación polo Consello de Goberno.
• Informar das propostas de nomeamento de profesorado emérito feitas polos departamentos, así como a revisión da prórroga destes nomeamentos.
• Informar das propostas de contratación de profesorado lector como parte do persoal dos departamentos nas áreas de coñecemento de linguas modernas ou estranxeiras.
• Informar da proposta do cadro do persoal docente e investigador.
• Organizar e realizar o seguimento da avaliación anual da actividade docente.
• Propor os programas de formación do profesorado necesarios e todas aquelas accións encamiñadas a elevar a calidade da docencia.
• Informar da creación, modificación ou supresión de centros.
• Facer o seguimento da avaliación institucional a través dos diferentes programas nos que participe a universidade que sexan da súa competencia.
• Informar dos proxectos de regulamentos e normativa da súa área de competencia, así como actualizar e/ou modificar as normativas de xestión académica e de permanencia e avaliación curricular de ser o caso.

Composición

• A persoa que ocupe a vicerreitoría ou vicerreitorías das áreas relacionadas coa comisión.
• Cinco docentes, garantindo, na medida do posible, a presenza de membros non pertencentes ao sector do profesorado doutor con vinculación permanente á universidade.
• Dúas persoas representantes do estudantado.
• Un membro do persoal técnico, de xestión e de administración e servizos.
• Unha persoa representante do Consello Social.

A elección, dentro de cada un dos sectores, farase de entre os que figuran nunha lista única de cada sector, que se elaborará tras abrir un prazo de presentación de candidaturas. As renovacións realizaranse cada catro anos, agás no caso de representantes de alumnado que terán lugar cada dous anos.

Membros

Acordos e actas  

De seguido pódense consultar os acordos e as actas das reunións da COAP:

Acordos e actas da COAP