Novas do DUVI

Romanticismo ou teatro de posguerra, primeiro paso para chegar á universidade

• Vigo
• Estudantes

Bastante fácil, doado, non moi complicado ... son algunhas das valoracións que se escoitaban esta mañá nas diferentes escolas e facultades da Universidade onde fixeron os seus exames de selectividade 3724 estudantes. A primeira proba, Lingua castelá e literatura, serviu para romper o xeo e a tensión que traían acumulada dos últimos días de estudo. A valoración foi positiva e puideron elixir entre o romanticismo ou o teatro español de posguerra, “dúas opcións moi accesibles, sobre todo o romanticismo, que traiamos moi ben preparado porque é un tema que sae a miúdo”, comentaba Cristina Rodríguez, estudante do IES Politécnico de Vigo recen rematado o exame na Facultade de Ciencias Económicas e Empresariais.

17/06/2009

A Facultade de Ciencias celebrou a graduación de 42 novos profesionais en alimentación, agricultura e física

• Ourense
• Estudantes

“Que as vosas ilusións se fagan realidade”, ese foi o desexo do decano da Facultade de Ciencias, Juan Carlos Mejuto, para os 42 estudantes das titulacións de Física, Ciencia e Tecnoloxía dos Alimentos, Enxeñería Técnica Agrícola e do Máster en Ciencia e Tecnoloxía Agroalimentaria que este xoves celebraron o seu acto de graduación. Das mans do vicerreitor de Planificación, José Cidrás; do decano, Juan Carlos Mejuto; do vicedecano de Planificación, Pedro Antonio Araújo; do vicedecano de Organización Académica, José Manuel Domínguez e do profesor Elías Berriochoa, os estudantes recibiron os merecidos premios polo seu esforzo e traballo durante estes anos.

12/06/2009

A Oficina de Apoio ao Emprendedor orienta aos estudantes na creación dunha empresa

• Ourense
• Estudantes

Ao rematar o período universitario chega o momento de lanzarse ao mercado laboral. Unha saída interesante e á que se apuntan cada vez máis persoas é a de crear unha empresa, pero á hora de facelo son moitas as dúbidas que se presentan. Co obxectivo de fomentar o espírito emprendedor, apoiar, asesorar e facilitar información a todos aqueles universitarios que queren converterse en empresarios, o campus de Ourense conta cunha Oficina de Apoio ao Emprendedor, situada no Edificio Administrativo, na que a súa responsable, Rosa Nóvoa, orienta aos universitarios nos primeiros pasos para a creación do seu propio negocio.

11/06/2009

Boa acollida dos estudantes á iniciativa de envío das cualificacións por sms

• Pontevedra
• Estudantes

Os cento sesenta caracteres dun sms dan para moito. Concertar unha cita, felicitar un cumpreanos, felicitar o Nadal, declarar amor e agora tamén para coñecer as cualificacións dos exames. Os alumnos do grao en Belas Artes están vivindo a experiencia piloto de recibir as cualificacións dos exames nos seus móbiles. Farano “aqueles que dean o seu consentimento expreso para recibir estas mensaxes”, explica a vicexerenta do campus, Ángeles Hermida. Os textos enviaranse en canto os docentes inserten as cualificacións na secretaría virtual. Rápido, cómodo e seguro, o novo sistema de comunicacións forma parte das posibilidades que abre a secretaría virtual que se pilota no centro aproveitando os cambios que a integración no Espazo Europeo de Educación Superior trouxo.

11/06/2009

A Facultade de Ciencias da Educación celebra este sábado unha multitudinaria graduación

• Ourense
• Estudantes

A Facultade de Ciencias da Educación estase a preparar para a festa de despedida que vivirá esta fin de semana, xa que cinco das sete titulacións que ten o centro celebrarán o sábado o seu acto de graduación. 226 estudantes, dos cales só 36 son homes, pertencentes a Educación Social, Linguas Estranxeiras, Educación Infantil e Primaria e Educación Especial, recibirán no Auditorio Municipal de Ourense as bandas e diplomas que os acreditarán como graduados. O multitudinario do acto impide que este se poida realizar en conxunto, polo que se dividirá en dúas sesións, ás 18 e 20 horas.

05/06/2009

3658 estudantes examinaranse de selectividade nas comisión delegadas da Universidade

• Vigo
• Estudantes

Un total de 3658 bachareis presentáranse os vindeiros 17, 18 e 19 de xuño ás probas de acceso á universidade nas comisión delegadas da Universidade de Vigo na que é a última convocatoria organizada de acordo coa LOGSE, xa que o vindeiro ano aplicarase a reforma aprobada polo Goberno en virtude do calendario de implantación da LOE (2006). Son datas de estudo e nervios nas que os estudantes “competirán” por alcanzar algunhas das prazas de novo ingreso que ofrecerán as universidades públicas, nun curso no que, por primeira vez, a maioría das titulacións ofreceranse xa adaptadas a Europa.
Segundo estes datos, aínda provisionais, os 3658 estudantes supoñen o 42% da totalidade de estudantes que se examinarán en Galicia e repartiranse entre as catro comisións delegadas da provincia de Ourense, onde se examinarán 976 estudantes; as dúas de Pontevedra, onde farán o exame 841 mozos e as catro de Vigo nas que farán os exames 1861 alumnos.

05/06/2009

O acto de graduación de Tradución e Interpretación convértese nunha reivindicación da dignidade da súa profesión

• Vigo
• Estudantes

Co salón de actos da Facultade de Filoloxía e Tradución ateigado, o acto de graduación da 14ª promoción da licenciatura en Tradución e Interpretación converteuse nunha firme reivindicación da dignidade e do futuro da súa promoción. Tanto a decana como o resto dos representantes do centro, así como encargado da lección maxistral, o tradutor Xosé Castro, coincidiron en salientar que a de tradutores é unha profesión digna, con altas expectativas de inserción laboral e da que “se pode vivir moi ben”, salientou Castro.

29/05/2009

A Biblioteca Central do campus, a de Caixanova e a Municipal Central amplían os seus horarios e abren na fin de semana

• Vigo
• Estudantes

Xa remataron as longas esperas na procura dun sitio na biblioteca para poder estudar. A partir de mañá mesmo, e ata o 24 de xuño, o alumnado disporá de máis postos de lectura e dun horario prolongado nas fins de semana, tanto no campus como no centro da cidade. Universidade, Concello e Caixanova chegaron a un acordo para que as súas bibliotecas ofrezan un maior servizo en épocas tan complexas como esta, dando unha resposta coordinada ás demandas reais dos estudantes.
Trátase dunha iniciativa que xurdiu dos propios universitarios que, a través dos seus representantes, “comunicáronnos a gran necesidade de dispor de máis postos de estudo en períodos de exames”, explicaba a vicerreitora de Extensión Cultural e Estudantes, Mª Carmen Cabeza, na presentación oficial da nova.

29/05/2009

O grupo Pont-e recolle máis de 50 quilos de comida para o Banco de Alimentos de Vigo

• Pontevedra
• Estudantes

Cos apuntes nun brazo e un kilo de alimentos imperecedoiros baixo o outro. O grupo de Facebook Pont-e, creado polos estudantes da materia Deseño publicitario e multimedia, prometía ser un motor dinamizador na sociedade pontevedresa a través das redes sociais e, de momento, cumpre a súa promesa. Ao longo da mañá deste xoves situou na Facultade de Ciencias Sociais e da Comunicación un punto de recollida de alimentos para o Banco de Alimentos de Vigo. Máis de cincuenta quilos de garavanzos, lentellas, pasta ou atún que nesta cadea solidaria chegarán ata os veciños máis necesitados.

28/05/2009

Alumnos de BBAA realizan unha acción artística como protesta contra o Plan Boloña

• Pontevedra
• Estudantes

Uns trinta alumnos reuníronse este mércores no patio central da Facultade de Belas Artes para amosar o seu descontento coa implantación do plan Boloña no centro. O acto, convocado polo grupo Anti-Plan a la Bolognesa, consistiu nun aplauso continuado de tres minutos cos que protestaron contra unha situación “previamente planificada, aprobada e ensaiada, como unha representación teatral”. O centro é un dos primeiros de España en implantar o novo grao que, segundo a organización do acto, conseguiu impoñerse “con grande éxito de público pola falta de opcións e sobre todo de crítica”.

27/05/2009

Francisco Millán Mon achega o programa do Partido Popular para as eleccións europeas aos estudantes de CCSS e da Comunicación

• Pontevedra
• Estudantes

Un labor de “pedagoxía de Europa” e de concienciación sobre a importancia que as eleccións ao Parlamento Europeo do 9 de xuño teñen para Galicia foi o que realizou Francisco Millán Mon nun encontro cos estudantes da Facultade de Ciencias Sociais e da Comunicación este mércores. Coa vista posta na implantación definitiva do Tratado de Lisboa cara a finais de ano, o candidato do Partido Popular sinalou que o Parlamento europeo vai “ver reforzadas as súas competencias e converterse nun colexislador ao mesmo nivel que o Consello”.

27/05/2009

O alumnado disporá de máis postos de lectura nas fins de semana no campus e no centro da cidade

• Vigo
• Estudantes

O alumnado da Universidade de Vigo disporá a partir da vindeira fin de semana dun maior número de postos de lectura para preparar os exames de xuño, tanto no campus vigués como no centro da cidade. Froito das negociacións desenvolvidas entre Caixanova, o Concello de Vigo e a Universidade de Vigo, a partir do sábado 30 de maio e ata o domingo 21 de xuño, permanecerán abertas de 9.00 a 22.00 horas os sábados e de 9.00 a 21.00 o domingo a Biblioteca Central do Campus Lagoas Marcosende, mentres que a Biblioteca do Centro Cultural Caixanova (r/ Policarpo Sanz, 13) abrirá sábados e domingos de 9.00 a 21.00. Pola súa banda a Biblioteca Municipal Central (r/ Joaquín Yañez, 6), tamén ampliará o seu horario nas fins de semana para atender as necesidades do alumnado.

26/05/2009

A ETS de Telecomunicación celebra a graduación da súa 20ª promoción

• Vigo
• Estudantes

Pasaron xa vinte anos desde que saíu á rúa a primeira promoción galega de enxeñeiros de telecomunicación. Naquel intre as empresas pelexaban por estes profesionais. Hoxe, pese á crise, parece que as cousas non mudaron moito, e hai uns meses presentouse un estudo que situaba a taxa de ocupación nun 96,4%. Os novos titulados, que este venres celebraron o seu acto de graduación, seguen tendo ante si unhas extraordinarias expectativas laborais e o reto de axudar a seguir avanzando na chamada sociedade da información.

22/05/2009

Aberta a convocatoria de prazas e bolsas de aloxamento para estudantes da Universidade

• Vigo
• Estudantes

502 prazas nas residencias propias e concertada dos tres campus e 115 bolsas de axuda de aloxamento. A isto é ao que poderán optar os estudantes que o vindeiro ano cursen os seus estudos na Universidade de Vigo conforme a convocatoria que vén de publicar a Vicerreitoría de Extensión Cultural e Estudantes.
As solicitudes, tanto para as prazas como para as axudas poderán presentarse ata o vindeiro 3 de xullo e serán outorgadas atendendo aos criterios establecidos tanto económicos como académicos.

20/05/2009

Ana Miranda e Iolanda Veloso defenden no campus un novo modelo de Europa

• Vigo
• Estudantes

“Si nós estamos, Galicia estará, si nós non estamos Galicia non existirá en Europa”, así de contundente se expresou Ana Miranda, cabeza de lista do BNG ás eleccións ao Parlamento Europeo, na charla-coloquio Outra Europa é posibel, organizada polos Comités de Estudantes no Edificio Miralles. Miranda, que compartiu tribuna coa tamén candidata e concelleira Iolanda Veloso, defendeu ante a comunidade universitaria un novo modelo de Europa baseado na realidade plurinacional, plurilingüística e pluricultural.

19/05/2009